Et kölsch Dornjüsje: "... un och nen Knubbel Feen ..."

"Wat soll ich üch verzälle:
Weil jeder durf bestelle,
doröm maht alles fließich 'Pross',
zomol et och nix koss.
Do jov et vill zo laache,
do kunnt mer sich vermaache,
däm Künning wor ald op däm Thron
jet scheifjerötsch de Kron’.

Doch op eimol krääch dat Volk ne Schrecke,
denn et kom die Ahl erenn zo trecke,
fies un jruselich – koot un jot jesaat:
Dä Künning hät vör Schreck beinoh de Botz sich volljemaht.

Die Ahl fing ahn zo kieve,
weil se doheim sollt blieve
un weil me se nit fing un nett
och enjelade hät,
dät schänge, maledeie
un Unjlöck pruphezeie:
'Waat, wenn dat Kind he Sibzehn weed,
ens sinn, wat dann passeet!'

Op de Läuv, jenau noh sibzehn Johre,
dät die Ahl däm ärme Weech obloore,
met ner Spindel stooch se fass un deef
däm ärm Minsch en de Finger, dat et hundert Johre schleef..."

----------------------------------------------------------------------------------------

Claudia Wasserheß
Franz Bellinghausen
Dr. Christine Blumenberg
Anneliese Schmitt
Gaby Tamme
Ellen Barhoff
Maria Losem
Gaby Wagenknecht
Sabine Erdmann
Götz Blumenberg
Johannes Lubrich