966: "Dullendorf" erstmals beurkundet: Originaltext

In nomine sancte et individue trinitatis. Otto divina favente clementia
imperator augustus. Noverit omnium dei nostrorumque fidelium
industria, qualiter nos pro remedio anime beate memorie patris nostri
domni Heinrici regis, pro statu regni nostri, pro incolumitate nostra
dilecteque coniugis nostre Adalheide imperatricis auguste dilectique
filii nostri Ottonis regis ad capellam, quam dive memorie Karolus
imperator augustus ob culmen et fastigium sui imperii in honorem
salvatoris domini nostri Iesu Christi eiusque genitricis sancte Marie in
palatio Aquisgrani construxerat et ad victum ceterasque utilitates fra-
trum inibi deo servientium curtem Galmina nominatam, que quondam
Rudolfi erat, sed ob infidelitatem eius, quam in nostrum imperium
exercuerat, in nostrum ius diiudicata, sitam in pago Haspengeue in
comitatu Uuerenharii cum omnibus ad eam pertinentibus concessi-
mus, quam postmodum fideli nostro comiti Immoni iure concambii
possidendam condonavimus. Econtra vero prenominatus comes Immo
eidem capelle et usui fratrum inibi deo servientium ex sua proprietate
contulit, quicquid in pagis et locis subtus nominatis aliquo iure possi-
deret, hoc est in pago Luihgouui in comitatu Richarii Furon, Curcella, in
pago Mulehkeuue in comitatu Eremfredi Herklenze, Hostrich,
Berge, Rieolferod, Uuazzarlar, in pago Auvlgowi in comitatu Eber-
hardi Limberge, Rameresdorf, Dullendorf, Breitenbach, Zeizen-
dorp, cum omnibus ad ea loca pertinentibus curtilibus edificiis
mancipiis agris cultis et incultis vineis aquis aquarumque decursibus
molendinis piscationibus pratis pascuis silvis exitibus et reditibus et
cum omnibus utilitatibus. Hanc eius traditionem etiam nostro corro-
boravimus precepto. Eidem capelle et usui fratrum deo inibi ser-
vientium ecclesiam in villa que dicitur Thuira cum omnibus ad eam
pertinentibus perpetualiter possidendam dedimus. Nos etiam pericu-
losa tempora predecessorum nostrorum imperatorum seu regum
intuentes, quorum aliqui quasdam abbatias, que sub tuicione et
inmunitate imperatorum et regum erant electionemque inter se
eligendi abbatem habebant, ad episcopia_ seu ad abbatias seu etiam,

quod peius est, laicis dissipandas suo precepto tradidissent, modo
vero succedentium temporibus imperatorum regum consulentes, cum
communi consilio procerum nostrorum episcoporum videlicet Mogun-
ciacensis archiepiscopi Willehelmi et Theoderici Treuerensis archie-
piscopi, Theoderici Metensis episcopi, Annonis Wormacensis ecclesie
episcopi, Lantwardi Mindonensis ecclesie episcopi, Gerhardi Tullen-
sis ecclesie episcopi reliquorumque primatum nostrorum abbatum
ducum marchionum comitum hoc palatium Aquisgrani precipuam cis
Alpes regiam sedem [frequentancium] hoc precepto firmamus, ut
canonici in prefata capella, cui modo Brun venerabilis canonicus abbas
preesse dinoscitur, salvatori nostro domino Iesu Christo eiusque matri
Marie famulantes liberam inter se habeant licentiam canonicum
eligendi abbatem. Quod vero absit, si inter eos talis inveniri non possit,
qui eos regere possit, imperator sive rex talem canonicum inveniat
non episcopum non monachum, sed eum qui dei timorem habeat
eosque iuxta canonicam regulam arguere increpare obsecrare et sapiat
et queat et velit. Et ut nullus umquam successorum nostrorum impera-
torum sive regum hanc prefatam capellam seu aliquid ad hanc perti-
nens sive in terra sive in edificiis sive in mancipiis sive in aliqua re vel ad
aliquam ecclesiam vel alicui in proprium vel alicui episcoporum vel
alicui persone in beneficium det, sed ut semper sit in tuitione et
inmunitate imperatorum et regum, iussimus hoc presens preceptum
conscribi anulique nostri impressione insigniri manuque propria
subtus illud firmavimus.

Signum domni Ottonis (M.) magni et invictissimi imperatoris
augusti.

Luitolfus cancellarius ad vicem Willehelmi archicapellani
recognovi.

Data XVI kal. febr. anno dominice incarnationis DCCCCLXVI,
indictione VIIII, anno regni Ottonis regis XXXI, imperii vero IIII;
actum Aquisgrani palatio in dei nomine feliciter.