Die "goldenen Assenmachers" 1989

Das Goldhochzeitspaar Elisabeth und Jean Assenmacher - vielen auch als "Amanda und Jodokus" bekannt.

Dazu "gönnte" Jean Assenmacher sich und seiner Frau folgendes Jubelgedicht:

En Joldene Huuzigk bruch sing Zigk

Füe Jeld kann me högkzedaach alles hann
Ze Nuut och op Rate beim Neckermann
Doch du kannste de Zung am Hals erus loofe
En Joldene Huuzigk, die kann me net koofe

Do heesch et jedöldich em Warme on Kaale
Och wenn ens de Wend blöös - de Frau faßzehaale
Janz froh moßte aanfange - on weeste weswääje?
Söß kannste als Joldstöck keen Knee mie bewääje

de Jrön-Huuzigk beste noch jot en de Lage
Ding Frau op de Häng en de Wonnung ze draage
No nem Johr säste ohne Jeföhlsduselei:
"Bruch jefällichs ding Fööß - du häsere jo zwei"

E Bützje, wo me aanfangs versesse drop eß
Jit et Jetz nur als Schreckschoß om Weinblötefeß
Am nächste Daach meent dann ding Jattin janz offen:
"Liebche, dat zällt net - du wors jo besoffen"

Als Supermann kannste jetz och net mie jonn
Darfs höchstens als Nuutstopp em Huus eröm stonn
jfröchste fröndlich: "Wer det dann de Rasen högk schnegge?"
Dann können ding Kender dich och net mie legge

Die wollen sich eenfach deheem net mie böcke
Dofüe donn se dem Papa et Konto zerplöcke
Hann e Auto on manchmol en Freundin am loofe
Ävve miestens keen Jeld, öm de Brennstoff ze koofe

Ding Selevene Huuzigk, die jit dir ze denke
Sollste kriesche öde sollste de Fahne schwenke?
Noch kannste stoonsfooß aach Bierche verdröcke
Dees heemlich am Kopp wieße Höörche uusplöcke

Dinge Buch trickste en, wenn e Mädche do steht
Doch dat sät: "Waad leeve deheem op de Rentebescheed"
Jetz spürste och - wenn de ganz ihrlich beß
Dat de Lack he on do at am affbläddere eß

On enes Daachs stehste em Ruhestands-Stau
"Oh Jott", rööf entjeistert ding Ehefrau
"Da weeß doch nix met sich aanzefange
Jetz hann ich en ständich em Opnemme hange"

Doch do eß de Motter ganz falsch informiert
Die staunt bal nur Bauklötz, wat alles passiert
Ene Rentner steht nämlich dauernd em Streß
Jetz zeech et sich irsch, wie jau dä noch eß

Froh morgens deete de Eapel at schälle
Dann jeht hä nom Rhing, öm de Ente ze zälle
Em Jaade, do eß hä e Läubche am baue
Hält de Kaasch en de Hand, öm de Schöen plattzehaue

De Noopichfrau soll ha de Teppich verlääje
An de Obsbööm moß ha de Iß zeräächsääje
Jetz heesch et, sich jot mem Opa verdraage
Ävve hinge de Hand hüet me he on do sage:

"Hat da froher de Hälef von dam nur gedonn
Hätte högk en schön Villa om Schnitzenbösch stonn"
Met siebzich Johr darfste net alles mie esse '
Lööfs öfte nom Doktor - de Blutdruck ze messe

Ding Frau meent: "Nu jank me jetz nur net höppe
Wer soll dann em Fröhgohr de Jaade ömschöppe?"
En Joldene Huuzigk geht fies an de Nöht
Ich hüeren noch högk, wie ming Frau neulich sät:

Et jit g'et, wat ich niemols bejriefe kann
Dat ich dich fuffzich Johr lang erdraage hann"
Trotzdem, me hann et nu glöcklich geschaff
Jetz geht et met Volldamp de Baach eraff !

On füe jedes Johr, wo me he unge noch blieve
Donn me dem Herrgott e Dankkäätche schrieve

© Heimatverein Oberdollendorf und Römlinghoven e.V.